Dövlət Miqrasiya Xidmətinin hesabına keçirilən vəsaitdən istifadə Qaydasında dəyişiklik edilib

Dövlət Miqrasiya Xidmətinin hesabına keçirilən vəsaitdən istifadə Qaydasında dəyişiklik edilib
  • Clock-gray 16:09
  • calendar-gray 08 Dekabr 2020

Dövlət Miqrasiya Xidmətinin hesabına keçirilən vəsaitdən istifadə Qaydasında dəyişiklik edilib.

APA-nın məlumatına görə, Nazirlər Kabineti bununla bağlı müvafiq qərarına dəyişiklik edib. 

Nazirlər Kabineti tərəfindən qərara verilən izahda qeyd edilib ki, Azərbaycan Respublikasının 2009-cu il 4 dekabr tarixli 930-IIIQ nömrəli Qanunu ilə təsdiq edilmiş “Miqrasiya orqanlarında qulluq keçmə haqqında Əsasnamə”nin 90-1-ci maddəsinə edilmiş dəyişikliyə əsasən miqrasiya sahəsində qanunvericiliyin pozulmasına görə miqrasiya orqanları tərəfindən Azərbaycan Respublikasının İnzibati Xətalar Məcəlləsinə əsasən tətbiq edilən cərimələrdən toplanan vəsaitin 18 faizi Dövlət Miqrasiya Xidməti işçilərinin sosial müdafiəsini gücləndirmək və maddi təminatını yaxşılaşdırmaq məqsədi ilə həmin Xidmətin hesabına köçürülür.

Eyni zamanda, qeyd edilən vəsaitin istifadə olunması ilə bağlı digər məsələləri tənzimləyən Azərbaycan Respublikası Nazirlər Kabinetinin  1997-ci il 10 mart tarixli 16 nömrəli Qərarı ilə təsdiq edilmiş dövlət büdcəsindən maliyyələşən idarə və təşkilatların büdcədənkənar vəsaitləri haqqında Əsasnamə ləğv edilmişdir və Azərbaycan Respublikası Nazirlər Kabinetinin 2017-ci il 17 noyabr tarixli 502 nömrəli Qərarı ilə eyniadlı yeni Əsasnamə təsdiq edilib.

Göstərilənləri nəzərə alaraq, Azərbaycan Respublikasının Nazirlər Kabinetinin 2011-ci il 28 iyun tarixli 104 nömrəli Qərarı ilə müəyyən edilmiş miqrasiya sahəsində qanunvericiliyin pozulmasına görə miqrasiya orqanları tərəfindən Azərbaycan Respublikasının İnzibati Xətalar Məcəlləsinə əsasən tətbiq edilən cərimələrdən toplanan və Azərbaycan Respublikası Dövlət Miqrasiya Xidmətinin hesabına köçürülən vəsaitdən istifadə Qaydasında “20” rəqəmləri “18” rəqəmlərilə əvəz edilmiş və həmin vəsaitin istifadə olunması ilə bağlı digər məsələlərin Azərbaycan Respublikası Nazirlər Kabinetinin 2017-ci il 17 noyabr tarixli 502 nömrəli Qərarı ilə təsdiq edilmiş Əsasnaməyə uyğun həyata keçirilməsinə dair müddəa əlavə edilib.

Firuzə Vahid

Digər xəbərlər