May ayında Qərbi Avropadan gələn əcnəbilərin sayı 2 dəfə çox olub

May ayında Qərbi Avropadan gələn əcnəbilərin sayı 2 dəfə çox olub
  • Clock-gray 10:43
  • calendar-gray 28 İyun 2019

May ayı üzrə bütün ölkələr və bölgələr üzrə səyahətçi sayının artması müşahidə olunub.

Dövlət Turizm Agentliyindən APA-ya verilən məlumata görə, 2018-ci ilin müvafiq dövrü ilə müqayisədə Azərbaycanı 18% və ya 246 min daha çox xarici vətəndaş ziyarət edib.

Bu artımın ən böyük hissəsi Rusiya (11 min), Gürcüstan (10 min) və Qərbi Avropa (8.9 min) ölkələrinin payına düşür.

Qərbi Avropa regionu 102% göstərici ilə Azərbaycanın turizm statistikasında daim öndə olan digər ölkələri xeyli dərəcədə geridə qoyaraq 2 dəfə artıb.

Bu göstərici böyük ehtimalla mayın 29-da UEFA Avropa Liqasının final oyununu izləməyə gəlmiş futbolsevərlərin Bakıya axınının nəticəsində baş verib.

Mərkəzi Asiya ölkələrindən gələnlərin sayında 58% və ya 4 min nəfər qeydə alınaraq əhəmiyyətli dərəcədə artım müşahidə olunub.

Yekun olaraq, 2019-cu ilin yanvar-may aylarında Azərbaycana gələn xarici səyahətçilərin ümumi sayı 2018-ci ilin eyni dövrünə nisbətdə 4% artıb.

Aytən Yusifova

Digər xəbərlər

Arxiv

date