Londonda yerləşən “Henry Jackson Society” analitik xarici siyasət beyin mərkəzində (think tank) Azərbaycanın geostrateji reallıqları, mövcud vəziyyətdə perspektivləri və regionda dayanıqlı sülhün bərpasına həsr olunan tədbir keçirilib.
APA-nın London müxbirinin xəbərinə görə, tədbirdə çıxış edən Azərbaycan Respublikasının səfiri Elin Süleymanov, bu gün Azərbaycan tərəfinin apardığı regional inteqrasiya siyasətinin, o cümlədən Türk Dövlətləri Təşkilatı çərçivəsində əməkdaşlığın gücləndirilməsinin yeni fürsətlər yaratdığını bildirib.
“Avropa ilə Asiyanı birləşdirən ortaq dəhliz ideyalarımız hərtərəfli fayda təmin edəcək. 30 il ərzində BMT TŞ məlum qətnamələri, ATƏT-in Minsk qrupu bizə heç bir fayda gətirmədi. Faktiki olaraq, Azərbaycan Prezident İlham Əliyevin qətiyyəti və müdrikliyi sayəsində məlum qətnamələri özü icra etmək məcburiyyətində qaldı”, - səfir çıxışında bildirib.
Səfir Ermənistanın sülh prosesini ləngitmədən konstruktiv danışıqlar istiqamətində real addımlar atmasına ümid etdiyini qeyd edib. Azərbaycanla Ermənistan arasında dayanıqlı sülhün bütün region xalqları üçün faydalı olacağını bildirən səfir, Azərbaycan rəhbərliyinin sülhə doğru atılan addımlarından söz açıb.
Səfir bir daha sülhdən başqa alternativ olmadığını diqqətə çatdırıb, Ermənistan tərəfinin 30 il sülhdən boyun qaçırmasını xatırladaraq, tarixdən dərs çıxarmağın vacibliyini vurğulayıb. O bildirib ki, Azərbaycanın Avropaya qaz ixracını gələcəkdə iki dəfə artırması, Avropa enerji təhlükəsizliyinə töhfə Azərbaycan rəhbərliyinin uzaqgörən siyasətinin nəticəsidir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
