Slovakiya ölkə ərazisində Rusiya istehsalı olan “Sputnik V” peyvəndinin istifadəsinə rəsmi icazə verib.
APA-nın “Guardian”a istinadən verdiyi xəbərə görə, bununla Slovakiya Avropa İttifaqına (Aİ) üzv ikinci ölkə kimi “Sputnik V” peyvəndinin istifadəsini təsdiqləyib.
Slovakiya hökuməti səhiyyə naziri Vladimir Lenqvarskini iyunun 7-dək bu peyvəndlə ölkədə vaksinasiyanın aparılmasına başlamaq barədə təlimatlandırıb.
Slovakiyanın bazasında 200 min “Sputnik V” peyvəndi olsa da, indiyə qədər onun istifadəsinə icazə yox idi.
Qeyd edək ki, Slovakiya hökumətinin 2 milyon doza "Sputnik V" peyvəndinin alınması barədə Rusiya ilə gizli razılaşması mart ayında Slovakiyada siyasi böhrana səbəb olub və Baş nazir İqor Matoviç istefa verib.
Xatırladaq ki, indiyə qədər “Sputnik V”dən istifadə edən yeganə Aİ ölkəsi Macarıstan idi. Aİ-nin Dərmanlar Agentliyi (EMA) hələ "Sputnik V"in istifadəsini təsdiqləməyib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
