Masallıda keçmiş arvadını öldürməyə cəhd edən şəxsin cinayət işi məhkəməyə göndərilib

Masallıda keçmiş arvadını öldürməyə cəhd edən şəxsin cinayət işi məhkəməyə göndərilib
# 03 iyun 2021 15:06 (UTC +04:00)

Prokurorluq bu ilin fevralında Masallıda baş verən bıçaqlanma hadisəsi ilə bağlı məlumat açıqlayıb.

Masallı rayon prokurorluğundan APA-ya verilən məlumata görə, 19 fevral 2021-ci il tarixdə Masallı rayon sakini Firuzə Məmmədovaya bıçaqla xəsarətlər yetirilərək qəsdən öldürülməsinə cəhd edilməsi faktı üzrə Cinayət Məcəlləsinin müvafiq maddəsi ilə rayon prokurorluğunda cinayət işi başlanaraq istintaq aparılıb.

İstintaqla müəyyən edilib ki, zərərçəkmişin keçmiş əri Qəyyum Məmmədov şəxsi münasibətlər zəminində aralarında yaranmış mübahisə zamanı bıçaqla çoxsaylı xəsarətlər yetirərək Firuzə Məmmədovanı qəsdən öldürməyə cəhd edib.

Qəyyum Məmmədov təqsirləndirilən şəxs qismində cəlb olunaraq ona Cinayət Məcəlləsinin 29, 120.2.4-cü (xüsusi amansızlıqla və ya ümumi təhlükəli üsulla adam öldürməyə cəhd) maddəsi ilə ittiham elan edilib və barəsində məhkəmənin qərarı ilə həbs qətimkan tədbiri seçilib.

Hazırda cinayət işi üzrə istintaq yekunlaşdırılaraq, baxılması üçün aidiyyəti üzrə Lənkəran Ağır Cinayətlər Məhkəməsinə göndərilib.

 

#
#

ƏMƏLİYYAT İCRA OLUNUR