Şou-biznes

Ana səhifə

Şou-biznes

Xalq artisti İlhamə Quliyeva: “Bu gün əsl meqa-star mənəm”

21 iyun 2007 12:05 (UTC +04:00)

Sənətçi səhhəti ilə bağlı şayiələr dolaşdığı, hətta onun insult,, infarkt keçirməsi, dünyasını dəyişməsi barədə şayiələr yayıldığını da söyləyib: “Bunu mənim paxıllığımı çəkən insanlar yayıblar, mən onları “yazıqlar” adlandırıram. Həmin insanlar böyük dərdə sahibdirlər, gecə-gündüz fikirləri ancaq İlhamə Quliyevadır. Amma onlar mənim düşmənim deyillər, çünki İlhamə Quliyevanın düşməni olmaq üçün məndən güclü olmaq lazımdır. Bu gün isə Azərbaycanın incəsənət aləmində ən güclü sənətkar mənəm”. Xəstələndikdən sonra hər gün üzərlik yandırdığını da gizlətməyən sənətçi çox tez nəzərə gəldiyini söyləyib. Xəstəliyi dövründə xaricdə yaşayan həyat yoldaşının onu ziyarət edib-etməməsi ilə bağlı sualı cavablandıran İ. Quliyeva həyat yoldaşının Bakıya gəlmədiyini, lakin onunla hər gün 10 dəfə danışdığını deyib. Müğənni “meqa-star” titulunun Azərbaycanda yalnız ona məxsus olduğunu da bildirib: “Bəli, mən meqa-staram. Meqa-star adını çoxları özünüküləşdiurmək istəyir. Ancaq hər şey göz qabağındadır. Məndən sonra kim nə adı istəyir götürsün. Onlar saxta meqa-starlardır. Bu gün isə əsl meqa-star mənəm. Çünki beynəlxalq statuslu sənətçiyəm. Mən indi heç bir şey demək istəmirəm, 3-4 il keçəndən sonra görərik. 1 il, 2 il olmaq olaraq, ancaq 40 il səhnədə yaşamaq, insanların məhəbbətini qazanmaq çox az sənətkara qismət olur. Korifey sözündən xoşum gəlmir, çünki yerindən qalxan özünü korifey adlandırır. Biz titulları gedib bazardan almırıq”. İ.Quliyeva Azərbaycanda böyük bir stadionu doldurmaq şansının ancaq ona məxsus olduğunu bildirib: “Bu gün Azərbaycan sənətçiləri ancaq stadionun qapısını açıq qoymaqla oranı doldura bilərlər. Yeganə sənətkar mənəm ki, stadionu bilet satışı ilə ağzına kimi dolduraram”.
Sənətçi iyulun 13-də səhnə fəaliyyətinin 40 illiyi ilə bağlı solo konsert vermək istədəyini, lıakin səhhəti ilə bağlı bu layihəni sentyabrda gerçəkləşdirəcəyini qeyd edib. O bildirib ki, iki ay müddətində sağlamlığı ilə məşğul olaraq, istirahət edəcək. İ.Quluyeva sentyabrda yaradıcılığında bir sıra yeniliklər etməyi nəzərdə tutub. /APA/