Xarici siyasət

Ana səhifə

Xarici siyasət

ABŞ-ın Azərbaycandakı səfirliyi: “Birləşmiş Ştatlar Azərbaycanın ərazi bütövlüyünü tanıyır”

22 aprel 2007 18:14 (UTC +04:00)

Səfirliyin çox qısa bəyanatında ABŞ-ın Azərbaycana dəstəyini əsirgəməyəcəyi və bu ölkənin Dağlıq Qarabağı Azərbaycan ərazisi kimi tanıdığı vurğulanıb.
Qeyd edək ki, ABŞ səfirliyi bu bəyanatı Azərbaycan hökumətinin Azərbaycanla ABŞ arasında aprelin 23-24-də Vaşinqtonda keçirilməsi nəzərdə tutulan hərbi-siyasi məsləhətləşmələrə nümayəndə heyəti göndərilməsini təxirə salmaqla bağlı qərarından sonra yayıb.
Onu da qeyd edək ki, Azərbaycan ABŞ Dövlət Departamentinin İnsan haqları üzrə hesabatında ilkin olaraq, “Ermənistan Dağlıq Qarabağı və Azərbaycanın daha yeddi rayonunu işğal edib” yazılsa da, dərc edilmiş hesabata olunan sonrakı düzəlişdə “Erməni hərbi qüvvələri Dağlıq Qarabağla sərhəd olan Azərbaycanın böyük hissəsini əllərində saxlayırlar. Ermənistan Respublikasının rəsmiləri bəyan edirlər ki, respublika Dağlıq Qarabağı bilavasitə işğal etməyib” kimi qeyd yer alıb. /APA/