Azərbaycan Xarici İşlər Nazirliyi (XİN) Pakistana başsağlığı verib.
APA-nın xəbərinə görə, bu barədə Azərbaycan XİN "Twitter"də bildirib.
"Pakistanın Bəlucistan vilayətində baş verən zəlzələ xəbəri bizi dərindən kədərləndirdi.
Təbii fəlakət nəticəsində həlak olanların ailələrinə başsağlığı verir, bütün yaralıların tezliklə sağalmasını diləyirik. Zəlzələnin nəticələrini aradan qaldırmaq üçün qardaş Pakistanın yanındayıq", - XİN qeyd edib.
Qeyd edək ki, bu gün səhər saatlarında Pakistanın cənub-qərbində 5.7 bal gücündə zəlzələ olub.
Zəlzələ nəticəsində 20 nəfər ölüb, 300-dən artıq adam yaralanıb. 100-dən çox ev çöküb və xeyli sayda bina zərər görüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
