Xarici işlər naziri Ceyhun Bayramov Azərbaycanın Dağlıq Qarabağ münaqişəsini həll etmək üçün niyə müharibə yolunu seçməsinə aydınlıq gətirib.
APA-nın məlumatına görə, Ceyhun Bayramov bildirib ki, qarşı tərəf bu siyasi prosesin ləngidilməsi, süni şəkildə uzadılması müstəvisindən xalqımıza və dövlətimizə qarşı təcavüz və hərbi təxribatlar yolunu seçmişdi: “Təbii ki, bu halda artıq Azərbaycan dövlətinin belə demək olarsa, səbir kasası daşdı. Həm ölkəmizin Konstitusiyasının, həm də BMT-nin Nizamnaməsinə uyğun şəkildə və beynəlxalq humanitar hüququn bütün qaydaları gözlənilməklə Azərbaycan əks-hücum əməliyyatına başladı. 44 günlük Vətən müharibəsi nəticəsində 7 rayonumuz, Şuşa şəhərimiz, o cümlədən 9 şəhərimiz və yüzlərlə yaşayış məntəqələrimiz işğaldan azad edildi. Azərbaycan beynəlxalq sənədlərdə olan sərhədlərini - Ermənistan-Azərbaycan və İran-Azərbaycan dövlət sərhədlərini bərpa etdi”.
Firuzə Vahid
Zümrüd Paşkin