Bakı. Nicat Mustafayev – APA-Economics. Ötən gün «British Airways» aviaşirkətinin Bakı-London marşrutu ilə təxirə salınan aviareys bu gün saat 20:30-da yerinə yetiriləcək. Bu barədə «APA-Economics»ə Heydər Əliyev Beynəlxalq Aeroportundan bildirilib.
Hava limanından verilən məlumata görə, ötən gün «British Airways»in saat 20:30-da yerinə yetirilməsi planlaşdırılan 144 saylı Bakı-London aviareysi texniki səbəblərə görə təxirə salınıb: «Bu aviareys bu gün saat 20:30-da yerinə yetiriləcək. Belə ki, bu gün London-Bakı reysini yerinə yetirən və saat 19:30-da Bakıda enəcək «Airbus-321-200» təyyarəsi təxirə salınmış 144 saylı aviareys üzrə yenidən London istiqamətində havaya qalxacaq. Yəni, sözügedən aviareys üzrə uçuş başqa təyyarə ilə həyata keçiriləcək».
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
