QMİ-nin mətbuat xidmətindən APA-ya verilən məlumata görə, səfərin məqsədi «Xristianlıq və İslamın qloballaşma şəraitində dialoqu» mövzusunda noyabrın 17-19-da Minskdə keçiriləcək beynəlxalq elmi-praktik konfransda iştirak etməkdir.
Bu qəbildən sayca səkkizinci olan budəfəki Konfrans Vatikanın xristian birliyinə yardım üzrə Papa şurası ilə birgə təşkil olunub.
Bütün Belarusun Patriarx-Ekzarxı, Minsk və Slutsk Mitropoliti Filaretin dəvəti əsasında həyata keçirilən səfər zamanı bir sıra yüksək səviyyədə görüşlər, o cümlədən MDB və Qərbi Avropanın ənənəvi din liderləri, habelə Vatikandan olan nümayəndə heyəti ilə görüşləri nəzərdə tutulub.
Şeyxülislam A. Paşazadə beynəlxalq konfransda məruzə ilə çıxış edəcək.