Daxili siyasət

Ana səhifə

Daxili siyasət

TESEV başkanı Can Peker: “Türkiyə-Ermənistan münasibətlərində Azərbaycan faktoru çox önəmlidir”

10 oktyabr 2007 12:52 (UTC +04:00)

“Türkiyə ilə ABŞ arasında ciddi bir müttəfiqlik münasibətləri var. Soyqırımı haqqında qanun layihəsinin qəbul olunmamağı Türkiyə üçün çox önəmlidir”. Bu eksklüziv açıqlamanı APA-nın Türkiyə bürosuna Türkiyə İqtisadi və Sosial Etüdlər Fondunun (TESEV) rəhbəri Can Peker verib. O, qanun layihəsi qəbul olunacağı təqdirdə Türkiyənin ata biləcəyi addımlarla bağlı proqnoz verməyin çətin olduğunu vurğulayıb: “Türkiyə səlahiyyətli nümayəndələrinin ABŞ rəsmi dairələri ilə müzakirələr apardığı nəzərdən qaçırılmamalıdır. Mən Türkiyə və ABŞ-ın ortaq məxrəcə gələcəyini düşünürəm. Konqresdə qəbul olunacaq qərar Türkiyə-ABŞ münasibətlərinə zərbə vura bilər, amma iki ölkə arasında münasibətlər davam edəcək”. TESEV rəhbəri Konqresin qərarının Türkiyə-Ermənistan münasibətlərinə təsirini də dəyərləndirib: “Burada Azərbaycan faktoru önəmlidir. Əgər Ermənistan-Azərbaycan münasibətləri bir az normallaşsa, Türkiyə də lazımi addımları atar”. APA müxbirinin “Ermənistan işğal etdiyi Azərbaycan torpaqlarını işğaldan azad etməməsi halında bu münasibətlər necə normallaşa bilər?” sualına Can Peker belə cavablandırıb: “Torpaqları boşaltmasa belə, Azərbaycanla Ermənistan bir-birinə güzəştə getsələr, Türkiyə də, heç olmasa, sərhədi açar”. /APA/