Daxili siyasət

Ana səhifə

Daxili siyasət

Arif Hacılı: “Seçki komissiyalarının tərkibi dəyişməsə, Müsavat Partiyası komissiyalara nümayəndə göndərmək məsələsinə yenidən baxmayacaq”

21 may 2008 14:30 (UTC +04:00)

Bakı. Elnur Məmmədli APA. “Seçki Məcəlləsinə əlavə və dəyişikliklər hakimiyyətin təqdim etdiyi kimi olsa və seçki komissiyalarının tərkibi dəyişməsə, Müsavat Partiyası seçki komissiyalarına nümayəndə göndərmək məsələsinə yenidən baxmayacaq”. Bunu APA-ya açıqlamasında Müsavat Partiyası Mərkəzi İcra Aparatının rəhbəri Arif Hacılı deyib. Onun sözlərinə görə, Müsavat 2005-ci il parlament seçkilərindən bəri seçki komissiyalarında təmsil olunmaq hüququndan imtina edib və komissiyaların paritet əsaslarla formalaşdırılması tələbini irəli sürüb. A. Hacılı indiki şərtlərlə seçki komissiyalarında təmsil olunmağı effektsiz sayır: “Əlbəttə, seçkilərdə iştirak edən partiya kimi seçki komissiyalarında təmsil olunmamaq bizə problemlər yaradacaq. Amma indiki halda bizim nümayəndələrimizin komissiyalarda iştirakı vəziyyəti dəyişməyəcək və bu, formal xarakter daşıyacaq”. A. Hacılı bu məsələdə partiyada yekdil fikir olduğunu vurğulayıb.