“Onsuz da aydın idi ki, Fransa, Yunanıstan və Ermənistana yaxın olan ölkələr Azərbaycana qarşı hansı mövqeyi tuturlar”.
APA xəbər verir ki, bunu Milli Məclisin bu gün keçirilən iclasında deputat Tural Gəncəliyev deyib.
Deputat bildirib ki, həmişə Avropa Parlamentdə Azərbaycana qarşı qərəzli mövqe tutan deputatlar Ermənistandan aldıqları pul müqabilində Azərbaycan əleyhinə sənədlər qəbul edib, danışıblar: “Son günlər Avropa Parlamentində açığa çıxan korrupsiya faktları da ondan xəbər verir ki, erməni iş adamları Avropa Parlamentinin binasında oturub Avropa deputatlarını pul müqabilində Azərbaycana qarşı işə cəlb edirlər. Əgər Qərbin liberal dəyərləri dedikdə korrupsioner mexanizmi nəzərdə tuturlarsa, biz bunu rədd edirik. Onların gözündə Ermənistanda olan aksiyalar başqa, Azərbaycanlı ekofəalların keçirdiyi aksiyalar başqa görünürsə, biz bunu rədd edirik”.
Milli Məclisin deputatı Kamal Cəfərov qeyd edib ki, Avropa İttifaqı başa düşməlidir ki, onlar üçün təbii qaz və yaşıl enerji nə qədər vacib və müqəddəsdirsə, bizim üçün də Qarabağdakı təbii sərvətlərimiz bir o qədər strateji və müqəddəsdir: “Ona görə də Avropa İttifaqı ölkələri evlərini isti saxlamaq, hakimiyyətlərini qorumaq üçün Azərbaycanla münasibətlərini də isti saxlamalı, bütün haqlı siyasi məqamları nəzərə almalıdır. Ona görə biz də Avropa İttifaqından müdrik addımlar, soyuq başla qərar vermələrini gözləyirik. Onların bizim ekoloji aktivistlərin çağırışlarına qoşulmasını gözləyirik. Bu gün hər birimizin ürəyi Laçın-Xankəndi yolundakı ekoloji aktivistlər, vətəndaş cəmiyyəti nümayəndələrinin ürəyi ilə döyünür. Hər birimiz axşam yatanda, sübh tezdən qalxanda birinci növbədə Laçın-Xankəndi yolundakı vəziyyətlə maraqlanır, gözləyirik ki, bizim haqlı tələblərimiz yerinə yetirilib, ya yox. Burada müzakirə etmək üçün çox məsələ var. Ancaq ən mühüm olan nəticə ondan ibarətdir ki, bu aksiya Azərbaycan xalqının hər bir fərdi tərəfindən dəstəklənir. Bu birlik bütün dünya dövlətləri tərəfindən diqqətlə müşahidə edilir. Düşünürəm ki, bu aksiya Azərbaycanın qızıl tarixinə yazılacaq. Aksiyanın sonlanması üçün Azərbaycan tərəfinin tələbləri aydındır, haqlıdır. Bu barədə hər birimizin məlumatı var. Ancaq hesab edirəm ki, Xankəndidəki vətəndaşlarımız hesab etdiyimiz ermənilər özlərini Azərbaycan vətəndaşı kimi aparmalı, Ruben Vardanyanı Xankəndidən özləri qovmalıdır. Onlardan siyasi və korrupsioner maraqlar üçün istifadə edilməsinə imkan verməməlidirlər. Onsuz da biz özümün buna nail olacağıq. Rusiya sülhməramlıları qanunsuz erməni dəstələrini Azərbaycan ərazilərindən çıxarmalıdır. Bu onların öhdəliyidir”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
