“Dairə seçki komissiyaları müvafiq seçki dairələri üzrə ilkin seçici siyahılarını aprelin 5-dək MSK-ya təhvil verib”.
APA-nın xəbərinə görə, bunu bu gün Mərkəzi Seçki Komissiyasının iclasında MSK sədrinin müavini Rövzət Qasımov bildirib.
Rövzət Qasımov deyib ki, hazırda MSK-nın İnformasiya Mərkəzində seçici siyahıları yoxlanılır: “Bu prosesə ən gec may ayının sonuna qədər yekun vurulacaq və ölkə üzrə yenidən tərtib olunmuş vahid seçicilər siyahısı MSK-nın rəsmi internet səhifəsində yerləşdiriləcək”.
MSK sədri Məzahir Pənahov qeyd edib ki, mayın ortalarına qədər seçicilər MSK-nın qaynar xətti vasitəsi ilə seçici siyahısı ilə bağlı özləri ilə bağlı məlumat ala bilərlər. Bununla bağlı MSK-nın saytında onlayn müraciət forması da var.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
