Daxili siyasət

Ana səhifə

Daxili siyasət

Növbədənkənar parlament seçkiləri ilə əlaqədar “exit-poll” keçirmək niyyətində olan təşkilatların sənədləri avqustun 12–dək qəbul ediləcək

29 iyun 2024 16:13 (UTC +04:00)

Növbədənkənar parlament seçkiləri ilə əlaqədar “exit-poll” keçirmək niyyətində olan təşkilatların akkreditasiya üçün təqdim etdikləri sənədlərin qəbul edilməsi və həmin təşkilatların akkreditasiyası barədə qərarın qəbul edilməsinə dair müddətə aydınlıq gətirilib.
APA-nın xəbərinə görə, bu, “Azərbaycan Respublikasının Milli Məclisinə növbədənkənar seçkilərin hazırlanıb keçirilməsi üzrə əsas hərəkət və tədbirlərin Təqvim Planı”nda əksini tapıb.
Mərkəzi Seçki Komissiyası səsvermə gününə ən azı 20 gün qalanadək “exit-poll” keçirmək niyyətində olan təşkilatların akkreditasiya üçün təqdim etdikləri sənədləri
qəbul edəcək. Növbədənkənar parlament seçkiləri ilə əlaqədar bu müddət avqustun 12-dək olan dövrü əhatə edəcək.
Səsvermə gününə ən azı 10 gün qalanadək “exit-poll” keçirmək üçün müraciət etmiş təşkilatların akkreditasiyası barədə qərar qəbul ediləcək.