Bakı. Etibar Məmmədov - APA. "Müsavat Partiyasının başqanı Arif Hacılı ilə AXCP sədri Əli Kərimli arasında əməkdaşlıq niyyəti ilə keçirilən görüş AXCP rəhbərliyi tərəfindən adekvat qiymətləndirilməyib".
Bunu APA-ya Müsavat başqanının müavini Səxavət Soltanlı deyib.
"Görüşdə AXCP ilə əməkdaşlıq perspektivləri müzakirə edilmişdi. Bundan sonra da ehtiyac yaranarsa, Müsavat Partiyası əməkdaşlıq təklifi ilə yenidən AXCP-yə müraciət edə bilər”, - deyə S. Soltanlı vurğulayıb.
AXCP sədrinin müavini Fuad Qəhrəmanlı isə bu barədə məlumatsız olduğunu və danışmaq istəmədiyini qeyd edib.
Xatırladaq ki, Müsavat başqanı A. Hacılı APA-ya açıqlamasında görüşdə irəli sürülən təkliflərə AXCP rəhbərliyində müzakirələrdən sonra cavab veriləcəyini bildirmişdi.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
