Bakı. Etibar Məmmədov - APA. “Mən ADP-ni də, digərlərini də başa düşürəm. Ancaq biz parlament seçkilərində iştirakın tərəfdarıyıq”.
Bunu APA-ya açıqlamasında Ümid Partiyasının sədri İqbal Ağazadə “Qarabağ” blokundakı müttəfiqi Azərbaycan Demokrat Partiyasının (ADP) parlament seçkilərində iştirakdan imtina etməsinə münasibət bildirərkən deyib.
İ. Ağazadə ADP-nin qərarına hörmətlə yanaşdığını deyib: “Hər bir siyasi partiya qərar qəbul etməkdə müstəqildir. Ancaq biz istənilən halda seçkilərdə iştirakın tərəfdarıyıq. Əsas odur ki, seçici ilə təması kəsməyəsən, mesajlarını verə biləsən”.
O qeyd edib ki, Azərbaycan müxalifəti üçün heç bir dönəmdə məqbul yol olmayıb: “Tarixə diqqət etsək, görərik ki, bu il keçiriləcək parlament seçkiləri, ötən seçkilərlə eyni mənzərə təşkil edir. Belə niyə 2010-cu ildə iştirak edirdik? Təkcə ATƏT müşahidə edirdi, ona görəmi? Əlbəttə ki, yox. Buna görə də Ümid Partiyası seçkilərdə mütləq iştirak edəcək”.
Qeyd edək ki, Azərbaycanda parlament seçkiləri noyabrın 1-də keçiriləcək
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
