Bakı. Etibar Məmmədov – APA. Müsavat və Klassik Xalq Cəbhəsi partiyaları (KXCP) Milli Şuranın mayın 30-na təyin etdiyi mitinqdə iştirak etməyəcək.
KXCP Ali Məclisinin sədri Bəybala Əbil APA-ya açıqlamasında bildirib ki, mitinqdə iştirakla bağlı partiyaya hər hansı müraciət daxil olmayıb: “Buna görə də bizim bu aksiyada iştirakımız haqqında hər hansı qərar yoxdur. Ancaq üzvlərimiz mitinqə qatılmaqda sərbəstdir”.
Müsavatın Mərkəzi İcra Aparatının rəhbəri Gülağa Aslanlı da mitinqdə iştirak etməyəcəklərini deyib: “Bu məsələ Müsavat Partiyasında müzakirə olunmayıb. Biz bütün gücümüzü 28 May – Respublika Günü ilə bağlı tədbirlərə səfərbər etmişik”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
