Bakı. Etibar Məmmədov - APA. Müsavat Partiyası qurultaya yer ayrılması məqsədilə yenidən Bakı Şəhər İcra Hakimiyyətinə (BŞİH) müraciət edəcək.
Bunu APA-ya açıqlamasında Müsavat başqanının müavini Gülağa Aslanlı deyib.
O bildirib ki, BŞİH partiyanın mayın 24-nə təyin etdiyi qurultaya gec cavab verdiyindən, qurultayın vaxtı dəyişdirilib: “Bakı Şəhər İcra Hakimiyyəti bizim fevral ayında göndərdiyimiz müraciətə mayın 15-də cavab verib. Vaxt azlığı səbəbindən biz də qurultayın vaxtını dəyişərək, iyunun 21-nə təyin etmişik. Buna görə də partiyanın Qurultaya Hazırlıq üzrə Təşkilat Komitəsinin toplantısı keçiriləcək və güman ki, yenidən BŞİH-ə müraciət etməli olacağıq”.
Xatırladaq ki, BŞİH partiyaya qurultay keçirmək üçün Səttar Bəhlulzadə adına Mədəniyyət Evini məqsədəuyğun hesab edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
