Bakı – APA. 46 saylı Şirvan Seçki Dairəsindən deputatlığa namizəd Rafael Cəbrayılov seçicilərlə görüş keçirib.
Namizədin seçki qərargahından APA-ya verilən məlumata görə, 350 nəfər seçicinin iştirakı ilə keçirilən görüşdə R. Cəbrayılov böyük hörmət və ehtiramla qarşılanıb. Görüş zamanı deputatlığa namizəd öz platforması haqqında məlumat verdikdən sonra seçiciləri dinləyib. Əsasən sosial problemlərin həlli ilə bağlı müraciətləri diqqətlə dinlədikdən sonra R. Cəbrayılov bildirib ki, əgər seçiciləri etimad göstərsələr, səlahiyyətləri çərçivəsində bütün məsələlərin həllində köməklik göstərəcək, eyni zamanda, Şirvan şəhərini Milli Məclisdə layiqincə təmsil edəcək.
Diskussiya şəraitində keçirilən görüşün sonunda Şirvan seçiciləri Rafael Cəbrayılovu dəstəklədiklərini və 1 noyabr tarixində ona səs verəcəklərini bildiriblər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
