Diaspor

Ana səhifə

Diaspor

Gürcüstanda fəaliyyət göstərən Nəriman Nərimanov adına Mədəniyyət Evinin fəaliyyəti dayandırıla bilər

03 mart 2008 10:04 (UTC +04:00)

Gürcüstanın Marneuli rayonunda fəaliyyət göstərən Nəriman Nərimanov adına şəhər Mədəniyyət Evi fəaliyyətini dayandıra bilər. “Qeyrət” Xalq Hərəkatının rəhbəri Zümrüd Qurbanovun APA-ya verdiyi məlumata görə, mədəniyyət evinin direktoru Bayram Əhmədov bir neçə gün əvvəl dünyasını dəyişdikdən sonra Nəriman Nərimanov adına Mədəniyyət Evinin rəhbəri vəzifəsinin ləğv edilməsi məsələsi qaldırılıb: “Direktorun ölümündən sonra bu vəzifənin ləğv edilməsi məsələsi ortaya atılıb. Rəhbərlik statusunun ləğvi mədəniyyət ocağının bağlanmasına gətirib çıxara bilər”. Onun sözlərinə görə, yaranmış problemin aradan qaldırılması üçün Marneuli rayon İcra Hakimiyyəti ilə danışıqlar aparılır.