Bakı. Şəhriyar Əlizadə - APA. Bu gün Bakı Apellyasiya Məhkəməsində “Bizim yol” qəzetinin həbsdə olan əməkdaşı Pərviz Həşimlinin apellyasiya şikayəti əsasında məhkəmənin ilkin baxış iclası keçirilib.
APA-nın məlumatına görə, prosesdə çıxış edən vəkillər məhkəmənin istintaqla keçirilməsi barədə vəsatət veriblər. Lakin məhkəmə vəsatəti təmin etməyib.
Proses iyulun 14-də davam etdiriləcək.
Qeyd edək ki, P. Həşimli Bakı Ağır Cinayətlər Məhkəməsinin hökmü ilə 8 il müddətinə azadlıqdan məhrum edilib.