6-10 iyun 2024-cü il tarixlərində Bosniya və Herseqovinanın Sarayevo şəhərində Beynəlxalq Cüdo Federasiyasının təşkilatçılğı ilə veteran cüdoçular arasında Avropa çempionatı keçirilib.
Fövqəladə Hallar Nazirliyinin Mətbuat xidmətindən APA-ya verilən məlumata görə, turnirdə Avropanın 35 müxtəlif ölkəsindən 800-ə yaxın idmançı iştirak edərək əzmkar mübarizə aparıb. Çempionatda çıxış edən veteranlardan ibarət Azərbaycan cüdo milli yığma komandasının üzvü və FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin əməkdaşı, daxili xidmət baş çavuşu Vüqar Babayev -66kq çəki dərəcəsində 3 döyüş keçirib bütün rəqiblərinə qalib gələrək çempionatın qızıl medalının sahibi olub.
Qeyd edək ki, Vüqar Babayev cüdo üzrə üçqat dünya, dördqat Avropa, beynəlxalq turnirlərin qalibi və mükafatçısıdır.
13 iyun 2024-cü il tarixində FHN-in İdman-sağlamlıq klubunun rəisi polkovnik Füzuli Musayev idmançı ilə görüşərək qazandığı qələbəyə görə təbrik edib və gələcək yarışlarda uğurlar arzulayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
