Ədəbiyyat

Ana səhifə

Ədəbiyyat

Məmməd Səid Ordubadinin Xatirə Muzeyinin yaradılmasının 30 illiyi qeyd olunub - FOTO

Məmməd Səid Ordubadinin Xatirə Muzeyinin yaradılmasının 30 illiyi qeyd olunub - <font color=red>FOTO</font>

12 may 2010 10:03 (UTC +04:00)

Bakı. Ülkər Qasımova – APA. Məmməd Səid Ordubadinin Xatirə Muzeyinin yaradılmasının 30 illiyi qeyd olunub və yeni ekspozisiyanın açılışı keçirilib. APA-nın məlumatına görə, açılışda çıxış edən muzeyin direktoru Lalə Abbaszadə deyib ki, 2006-cı ildə Mədəniyyət və Turizm İdarəsi tərəfindən muzeydə əsaslı təmir işləri başlanıb: “Bu muzey 1979-cu il noyabrın 1-də yaranıb. Ədib bu evdə 1938-1950-ci illərdə, yəni ömrünün son günlərinədək yaşayıb. Muzeydə Ordubadiyə aid olan 2000 yaxın eksponat qorunub saxlanır. Bu muzey 1872-1950-ci illərdə yaşayıb yaratmış söz ustası, şair, yazıçı, dramaturq, jurnalist, libretto mətnlərinin müəllifi, “Dumanlı Təbriz” romanı ilə ədəbiyyatımızda novator romançı kimi mühüm addım atmış, Azərbaycanda tarixi roman janrının təməlini qoymuş görkəmli ictimai xadim, XIX əsrin sonu, XX əsrin əvvəlləri Azərbaycan ictimai-siyasi və mədəni mühitinin ən parlaq simalarından olan Məmməd Səid Ordubadinin yaradıcılıq yadigarlarının məkanı olmaqla yanaşı, həm də elmi-tədqiqat və mədəni-maarif müəssisəsidir. Bir yazıçı kimi onun böyüklüyü “Dumanlı Təbriz”, “Qılınc və Qələm”, “Gizli Bakı”, “Döyüşən şəhər”, “Dünya dəyişir” romanlarının indi də dönə-dönə oxunmasında, tariximizi yaşatmasındadır”.
Mədəniyyət və turizm nazirinin müavini Sevda Məmmədəliyeva isə 2009-cu ildə muzeydə bədii tərtibat işlərinin aparıldığını söyləyib.