Ədəbiyyat

Ana səhifə

Ədəbiyyat

“Dünya ədəbiyyatı kitabxanası” seriyasının abunəçilərinin sayı 870-i ötüb - FOTO

“Dünya ədəbiyyatı kitabxanası” seriyasının abunəçilərinin sayı 870-i ötüb - <font color=red> FOTO </font>

21 avqust 2010 10:39 (UTC +04:00)

Bakı. Ülkər Qasımova-APA. Kitab Klubu tərəfindən Azərbaycan Prezidentinin sərəncamı ilə nəşr edilən “Dünya ədəbiyyatı kitabxanası” seriyası əsasında çap olunması nəzərdə tutulan 150 kitabdan 34-ü artıq nəşr edilib. Bu barədə APA-ya açıqlamasında Kitab Klubunun direktoru Elxan Rzayev məlumat verib. Onun sözlərinə görə, artıq bu seriyaya abunəçilərin sayında da xeyli artım var: “Biz hazırda “Dünya ədəbiyyatı kitabxanası” seriyasından abunə işinin təşkili ilə məşğuluq. Çox sevindirici haldır ki, artıq bizim abunəçilərimizin sayı 870-i keçib. Biz qısa müddətdə belə nəticə gözləmirdik, ancaq görünür, bu işin siyasətini düzgün qurmuşuq və oxucuları cəlb edə bilmişik. Biz çap olunan hər bir kitabı abunəçilərimizə vaxtında çatdırırıq”.

Kitab Klubunun rəhbəri bildirib ki, bu seriyadan təqribən ayda 4-5 kitabın çap olunması nəzərdə tutulub: “Güman edirik ki, sözügedən layihə hələ il yarım, iki il davam edəcək. Kitabların həm keyfiyyəti çox yüksəkdir, həm onların tərcüməsində Azərbaycanın ən aparıcı mütəxəssisləri iştirak edir”.

Elxan Rzayev Kitab Klubunun rəsmi saytı olan kitabklubu.org internet portalının fəaliyyət göstərməməsinə də münasibət bildirib: “Kitab klubunun rəsmi internet saytına virus düşüb. İndi saytın həm provayderini dəyişmişik, həm də virusdan təmizlətdirmişik. Google şirkəti virus təhlükəsini aşkarladığı üçün, saytı brauzer şəklində yayımlamır. Artıq bizim sayt virusdan təmizlənib və ümid edirik ki, bir neçə günə saytımız yenidən yayımlanacaq”.