Ədəbiyyat

Ana səhifə

Ədəbiyyat

Azərbaycanlı yazar P.E.N. Almaniya Mərkəzinin üzvü seçilib

16 may 2011 09:26 (UTC +04:00)

APA-nın məlumatına görə, konfransda mərkəzə 4 yeni üzv seçilib. Mərkəzə yeni üzv seçilənlər arasında azərbaycanlı yazar və tədqiqatçı Nuridə Atəşi də var.

Almaniyanın məşhur şairi, Nobel mükafatı laureatlı Günter Grasın fəxri prezidentlik etdiyi P.E.N. Almaniya Mərkəzinin 705 üzvü var. Mərkəz Londonda yerləşən İnternational P.E.N məşhur quruluşuna bağlıdır. P.E.N. Almaniya Mərkəzi “Poets, Publisist, Novelist“ - şairlər, publisistlər, novellaçılar deməkdir.

Nizamnaməyə görə, imzası beynəlxalq səviyyədə qəbul edilən, tanınan və əsərləri ilə elmə, ədəbiyyata xüsusi xidmətləri olan, yalnız Almaniyada yaşayan və almanca yazıb-yaradan yazarlar, publisistlər və ədəbiyyat xadimləri üzvlüyə qəbul edilirlər.

N. Atəşinin namizədliyi tanınmış və aktiv P.E.N. üzvlərindən olan professor Adalbert Podlex tərəfindən irəli sürülüb, şura üzvü, professor Lutz Götze isə onun yaradıcılığı, poeziya, publisistika və araşdırma sahəsində müxtəlif dillərdə yazdığı 15 kitabı və xüsusi xidmətləri haqqında konfransda geniş məruzə ilə çıxış edib. N. Atəşinin Azərbaycanın minillik klassik poeziyasını “Pərvanə və şam” antologiyası altında ilk dəfə alman dilinə tərcümə etməsi və alman dilində yazdığı “Qarabağ uğrunda savaş” adlı əsərləri beynəlxalq ədəbiyyat aləmində daha çox diqqətəlayiq əsərlər kimi qiymətləndirilib.

O, konfrans iştirakçılarının əksəriyyətin səs çoxluğu ilə P.E.N. Almaniya Mərkəzinə üzv seçilib.

Hazırda elmi araşdırmaları ilə əlaqədar Azərbaycanda olan N. Atəşi bu uğuru indiyə qədər Almaniyada uğurlarının zirvəsi, fəaliyyətinə və yaradıcılığına olan beynəlxalq etimad kimi qiymətləndirib.