Ədəbiyyat

Ana səhifə

Ədəbiyyat

Azərbaycan Yazıçılar Birliyinin qurultayının vaxtı avqustda müəyyənləşəcək

25 may 2011 15:03 (UTC +04:00)

Bu açıqlamanı APA-ya AYB-nin mətbuat xidmətinin rəhbəri Ədalət Əsgəroğlu deyib. O bildirib ki, qurultayın bu ilin sonu üçün keçirilməsi nəzərdə tutulur və qurultayın vaxtının təyin olunması həm də müəyyən əlaqəli təşkilatlardan asılıdır: “Qurultayda dövlət rəsmiləri də iştirak edə bilər, qurultaya nümayəndələr seçilməlidir, müəyyən nəşrlər çap olunmalıdır. Bütün bunlar da kifayət qədər vaxt tələb edir və bu vaxta uyğun da hərəkət etməliyik. Hər halda bu ilin sonunda – noyabr, dekabr aylarında qurultay baş tutacaq”.

AYB-nin sədrliyinə adları hallanan namizədlərə gəlincə Ə. Əsgəroğlu bildirib ki, sədrliyə namizədlərin adlarının mətbuatda hallanması bu gün oyundan başqa bir şey deyil: “Əgər Anar müəllim namizəd olub-olmayacağını qurultay ərəfəsində açıqlaya bilər. Bu gün müəyyən namizədlərin adının hallanması ictimaiyyəti çaşdırmaq funksiyasını daşıyır. Həmin namizədlər qurultay vaxtı öz namizədliklərini geri götürəcəkləri və yaxud da Anar müəllim sədr olarsa, öz namizədliklərini verməyəcəklərini bildirirlər. Bunun özündə də bir riayakrlıq, saxtakarlıq var. Əgər namizəd olan adam özü qabağa dayanıb deməlidir ki, sədrliyə namizədliyini vermək istəyir, ya yox. Deyirlər ki, Anar müəllim sədrliyə namizədliyini verməsə, o zaman biz namizədliyimizi verəcəyik. Bu açıqlamanın özü də qeyri-ciddi xarakter daşıyır”.

Ə. Əsgəroğlu onu da əlavə edib ki, AYB-nin nizamnaməsinə uyğun olaraq Yazıçılar Birliyinin hər bir üzvü sədrliyə namizədliyini irəli sürə bilər: “Bu hər bir üzvün hüququdur. Mən inanıram ki, Anar müəllim namizədliyini verəcək və biz də onu dəstəkləyəcəyik. Əgər Anar müəllim namizədliyini verməsə, kimə zəmanət versə, biz də onu dəstəkləyəcəyik. Yox əgər bunların heç biri olmasa, biz Yazıçılar Birliyinin rəhbərlərindən birini sədr seçəcəyik”.