Ədəbiyyat

Ana səhifə

Ədəbiyyat

Məqsəd Nurun “Şəhər meri” romanı çapdan çıxıb

02 sentyabr 2011 09:53 (UTC +04:00)

Bakı – APA. Azərbaycanın ən böyük ədəbiyyat mükafatının 2-ci yerini qazanan Məqsəd Nurun “Şəhər meri” romanı Milli Kitab Mükafatı (MKM) layihəsi çərçivəsində nəşr olunub.

APA-nın “kulis.az”-a istinadən verdiyi məlumata görə, bu, MKM layihəsi çərçivəsində "Əli və Nino" Nəşriyyatının dərc etdiyi 2-ci kitabdır. Bundan əvvəl MKM-in birinci yerinin qalibi Pərvizin “Yad dildə” kitabı nəşr olunub.

"Şəhər meri" yaltaqlığın anatomiyasıdır, bir tərəfdən bayağı siyasi plakatlara müəllif ironiyası və xəfif təbəssümdür, başqa tərəfdən, istəkləri və ehtiraslarıyla heyvani olan adamların idarə olunmasında qaçılmazlığı faş edir.

Münsiflər şurası yazıçı Çingiz Abdullayev, yazıçı Afaq Məsud, kinorejissor Rüstəm İbrahimbəyov, Ayna-Zerkalo” qəzetinin baş redaktoru Elçin Şıxlı, kinorejissor Ramiz Fətəliyev, Xalq şairi Vagif Səmədoğlu, millət vəkili, BDU-nun professoru Rəbiyyət Aslanova, “525-ci” qəzetinin baş redaktoru Rəşad Məcid, “Xəzər” Universitetinin rektoru Hamlet İsaxanlı, aparıcı-jurnalist Nərgiz Cəlilova, prodüser Balakişi Qasımov, tarix elmləri doktoru, BDU-nun professoru Cəmil Həsənli, AMEA-nın müxbir üzvü professor Rafiq Əliyev, Fəlsəfə elmləri doktoru, AİU-nın professoru Niyazi Mehdi, Qanun nəşriyyatının rəhbəri Şahbaz Xuduoğlu, kinorejissor Ayaz Salayev və rejissor Mehriban Ələkbərzadə ibarətdir.

Əsərlər 10 ballıq sistemlə qiymətləndirilib. İyunun 4-də adları açıqlanan qaliblər - 1-ci yer üç min, 2-ci yer iki min, 3-cü yerin qalibi isə min manat pul mükafatı ilə təltif olunub.

2009-cu ildə təsis olunan Milli Kitab Mükafatı çərçivəsində daha iki qalibi Məqsəd Nur “Şəhər Meri” və Nəriman Əbdulrəhmanlı “Yolsuz” kitabları yaxın vaxtlarda nəşr olunacaq. Roman “Əli və Nino” Nəşriyyat Evində çap olunub.