Ədəbiyyat

Ana səhifə

Ədəbiyyat

Azərbaycan Yazıçılar Birliyində şair Şahmar Əkbərzadənin 70 illik yubileyi qeyd olunub - FOTOSESSİYA

Azərbaycan Yazıçılar Birliyində şair Şahmar Əkbərzadənin 70 illik yubileyi qeyd olunub - <font color=red>FOTOSESSİYA</font>

29 dekabr 2011 13:49 (UTC +04:00)

Bakı. Kəmalə Quliyeva-APA. Azərbaycan Yazıçılar Birliyində (AYB) görkəmli şair Şahmar Əkbərzadənin 70 illik yubileyi qeyd olunub. APA-nın məlumatına görə, tədbirdə çıxış edən Azərbaycan Yazıçılar Birliyinin katibi Rəşad Məcid bildirib ki, Ş. Əkbərzadənin ölümündən 10 ildən artıq vaxt keçir: “Buna baxmayaraq, o sanki öz şeirləri kimi diridir. Çünki Şahmar Əkbərzadə insan sevgisi, vətənpərvərlik kimi həmişəyaşar hissləri şeirə çevirib”.

Şair Musa Yaqub isə Ş. Əkbərzadəni Azərbaycan ədəbiyyatının şəhidlərindən hesab etdiyini bildirib: “Şahmar başdan ayağa poeziya idi. Bəxtiyar Bahabzadə ilə yaxın dost idilər. Bəxtiyar Bahabzadə nə qədər çılğın, üsyankar idisə, o, bir o qədər sakit, hər şeyi ürəyində saxlayan idi”.

Ş. Əkbərzadə mükafatının ilk laureatlarından biri şair Qulu Ağsəs isə qeyd edib ki, Ş. Əkbərzadə onu tanıyanların hamısının dosti udu: “O azsaylı şairlərdən idi ki, təkbaşına ədəbi mühit yarada bilirdi. Bəzən şairlər oxucularını şair ruhlu eləsələr də, ailələrinə gücü çatmır. Şahmar Əkbərzadə isə ailəsini də şair eləyə bilmişdi. Azərbaycanda bir neçə adam var ki, artıq “Qarabağ” sözünün simvoluna, sinoniminə çevrilib. Xudu Məmmədov, Şahmar Əkbərzadə, bir neçə gün əvvəl vəfat edən Qədir Rüstəmov da məhz “Qarabağ” sözünün sinonimlərinə çevriliblər”.

Mərasimdə Şahmar Əkbərzadə adına mükafatın yeni laureatlarının adları açıqlanıb. Bu mükafata AYB-nin mətbuat katibi Ədalət Əsgəroğlu, şair Kəmaləddin Qədim və millət vəkili Musa Urud layiq görülüblər.