Ədəbiyyat

Ana səhifə

Ədəbiyyat

Nizami Gəncəvinin yaradıcılığına həsr olunmuş kitabın təqdimat mərasimi keçirilib

05 oktyabr 2012 13:25 (UTC +04:00)

Bakı. Ülkər Rəşidqızı – APA. Dahi Azərbaycan şairi Nizami Gəncəvinin 870 illik yubileyinə həsr olunmuş dövlət tədbirləri çərçivəsində İlqar Əliyevin "Sir və Açar" kitabının səhnələşdirilmiş təqdimat mərasimi keçirilib. APA-nın məlumatına görə, tədbir Mədəniyyət və Turizm Nazirliyi, Azərbaycan Rəssamlar, Memarlar ittifaqları və Azərbaycan Yazıçılar Birliyinin təşkilatçılığı ilə baş tutub.

Tədbirdə mədəniyyət və turizm nazirinin I müavini Vaqif Əliyev, "İçərişəhər" Elmi Tədqiqat İnstitutunun baş elmi işçisi, tarix elmləri doktoru Kamil Fərhadoğlu, AMEA-nın müxbir üzvü və Ədəbiyyat İnstitutunun direktor müavini, professor Teymur Kərimli, Azərbaycan Tibb Universitetinin İnsan anatomiyası kafedrasının dosenti Rəşid Mahmudov, xalq memarı Hafiz Əmirxanov və digər şəxslər çıxış ediblər. Natiqlər Nizami yaradıcılığından, təqdimatı keçirilən kitabın əhəmiyyətindən söhbət açılıb. Mərasimdə əməkdar incəsənət xadimi, rəssam Vaqif Nəzirovun kitabın məzmunu üzrə çəkdiyi rəsm əsərlərinin sərgisi də təşkil olunub.

Tədbirin rejissorluğunu Hafiz Quliyev həyata keçirib. Tədbir üçün “Leyli və Məcnun” operasından xüsusi səhnələr nümayiş etdirilib.

Nizami Gəncəvi