Bakı. Cavid Zeynalov - APA. Azərbaycan Yazıçılar Birliyində (AYB) şair Əhməde Həponun 80 illik yubileyi qeyd olunub.
APA-nın məlumatına görə, AYB-nin katibi Arif Əmrahoğlu tədbirdə çıxış edərək bildirib ki, Əhməde Həponun yaradıcılığı milli ənənələrə söykənən poeziya nümunələridir. O, Ə. Həponun Azərbaycan radiosundakı fəaliyyətini, ədəbi-publisistik yazılarını ədəbiyyata və Azərbaycan jurnalistikasına xidmət kimi dəyərləndirib.
“Azərbaycan Televiziya və Radio Verilişləri” Qapalı Səhmdar Cəmiyyətinin sədr müavini Cavanşir Cahangirov sədr Arif Alışanovun Ə. Həpoya ünvanladığı təbrik məktubunu oxuyub. C. Cahangirov bildirib ki, şair haqqında film çəkilir.
Tədbirdə çıxış edənlər Ə. Həponun yaradıcılığı, həyat yolu haqqında fikirlərini bölüşüblər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
