Gürcüstan. Nizami Məmmədzadə-APA. Bakı şəhərində “Professor Valeh Hacıların xatirəsinə həsr olunmuş "Qafqaz xalqlarının folkloru ve lingvokulturologiyası" mövzusunda beynəlxalq elmi simpoziumun materialları” kitab şəkilində nəşr edilib. APA-nın Gürcüstan bürosunun məlumatına görə, 18-21 aprel 2012-ci il tarixində Gürcüstan, Azərbaycan və Türkiyənin nüfuzlu elm-mədəniyyət qurumlarının ortaq təşkilatçılığı ilə Tiflisdə eyni adlı mövzuda uluslararasi elmi simpozium keçirilib.
Kitab 586 səhifədən (A 4 formatlı) ibarətdir. Nəşrin tərtibçiləri AMEA Folklor İnstitutunun direktoru Muxtar İmanov, Valeh Hacılar Elmi-Mədəni Araşdırmalar Vəgfinin rəhbəri Cengiz Alyilmaz, Tiflis Dövlət Universitetinin Qafqazşünaslıq İnstitutunun direktoru Tsira Baramidzedir.
Kitab AMEA Folklor institutunun Elmi Şurasının qərarı ilə çap olunub.