Bakı. Xanım Nağıyeva - APA. Bu gün Azərbaycan Yazıçılar Birliyinin (AYB) “Natəvan” klubunda AYB-nin üzvü, Rəsul Rza mükafatı laureatı, şair-publisist Rəfail Tağızadənin “Gecə xəyalları” kitabının təqdimat mərasimi keçirilib.
APA-nın verdiyi məlumata görə, mərasimdə AYB katibləri Fikrət Qoca, Rəşad Məcid və ədəbiyyat nümayəndələri iştirak edib.
Kitaba şairin son illərdə yazdığı Qarabağ reallıqlarını əks etdirən, vətən həsrəti ilə qələmə aldığı şeirləri daxil edilib. Kitabda həmçinin saf sevgini, qadın gözəlliyini tərənnüm edən şeirlər də yer alıb.
Kitaba ön sözü tanınmış şair, rəssam Adil Mirseyid yazıb. Həmçinin professor Cahangir Məmmədli, AMEA-nın müxbir üzvü Rafiq Əliyevin də kitab və ümumilikdə müəllifin yaradıcılığı ilə bağlı məqalələri verilib. Şeirləri müxtəlif dillərə tərcümə olunan şairin “Gecə xəyalları” kitabı oxucularla üçüncü görüşüdür.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
