Bakı. Vüsal Nəbiyev - APA-Economics. Bu gün axşam saat 22:00-dan etibarən səhər saatlarınadək Bakı-Ələt avtomobil yolunun Azneft meydanından Bakı Su İdman Mərkəzinə qədər olan hissəsində “Oyunlar zolağı”nın yenidən rənglənməsi işləri həyata keçiriləcək.
“Azəryolservis” ASC-dən “APA-Economics”ə verilən məlumata görə, işlər hər iki istiqamətdə aparılacaq və bununla əlaqədar olaraq sözügedən yolda nəqliyyat vasitələrinin hərəkəti qismən məhdudlaşdırılacaq.
Qeyd edək ki, I Avropa Oyunlarında müəyyən edilən marşrut üzrə əsas yol şəbəkəsində “Oyunlar zolağı”nın yenidən rənglənməsi işləri Ziya Bünyadov prospektində, “Bakı Dairəvi-1” avtomobil yolunda, Bakı-Ələt avtomobil yolunun Lökbatan dairəsindən Bibiheybət məscidinədək olan hissəsində yekunlaşıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
