Sənaye və energetika

Ana səhifə

Azərbaycanda kimya istehsalı üzrə göstəricilər açıqlanıb - CƏDVƏL

16 oktyabr 2026 12:22 (UTC +04:00)

Azərbaycanda bu ilin yanvar-sentyabr aylarında kimya sənayesi, əczaçılıq məhsullarının, rezin və plastik kütlə məmulatlarının istehsalı sahələrində 1 721,4 milyon manatlıq məhsul istehsal edilib.

Bu barədə "APA-Economics” Dövlət Statistika Komitəsinin aylıq hesabatına istinadən xəbər verir.

Məlumata görə, əvvəlki ilin müvafiq dövrü ilə müqayisədə əczaçılıq məhsullarının istehsalı 60,4 faiz, rezin və plastik kütlə məmulatlarının istehsalı 8,5 faiz artıb, kimya sənayesi məhsullarının istehsalı isə 8 faiz azalıb.

Qeyd olunur ki, hesabat dövründə kimya sənayesi məhsullarından polietilen istehsalı 23,3 faiz, etilen istehsalı 23,8 faiz azalmış, rezin və plastik kütlə məmulatlarından məsaməli plastik kütlədən sair plastinlər, lövhələr 21,0 faiz, polietilendən kisə və çantaların istehsalı 20,5 faiz, sərt plastmasdan borular, borucuqlar, qolçaqlar və şlanqların istehsalı isə 6,4 faiz azalıb.

Azərbaycanda istehsal olunan kimya sənayesi məhsulları:

Məhsul növləri	2026-cı ilin yanvar-sentyabr aylarında istehsal edilmişdir	Əvvəlki ilin müvafiq dövrünə nisbətən, faizlə	01.10.2026-cı il vəziyyətinə sənaye müəssisələrinin anbarlarında hazır məhsul ehtiyatı
Kimya sənayesi məhsulları
Təsirsiz qazlar, min kub metr	3 3146,2	96,2	20,6
ondan azot, min kub metr	16 717,8	91,9	20
Lak-boya məmulatları, ton	39 678	130,8	380,2
Qeyri-üzvi kimyəvi maddələr, ton	25 320	150,4	6 420
ondan yod, ton	147,1	97,9	10,5
Üzvi kimyəvi maddələr, min ton	518,2	76,4	54,4
ondan: etilen, min ton	89,8	76,2	0,9
propen (propilen), min ton	89	82,5	0,7
metanol (metil spirti), min ton	269,4	74,8	38,1
Etil spirti, min dkl	52,6	81,8	34,5
Gübrə və azot birləşmələri, min ton	420,6	86,6	66
Ondan: karbamid, min ton	419,6	86,5	66
İlkin formada plastik kütlə, min ton	181,7	79,7	34,5
ondan polietilen, min ton	87,3	76,7	10,4
Yapışqan və yapışdırıcı maddələr, min ton	143,5	112,5	9,1