Bakı. Şəhriyar Əlizadə - APA. “Milli Təhlükəsizlik Nazirliyinin istintaq təcridxanasındakı kameralar televizorla təmin olunacaq”. Bunu APA-ya açıqlamasında İşgəncələrə Qarşı Azərbaycan Komitəsinin sədri, hüquq müdafiəçisi Elçin Behbudov deyib.
E.Behbudov bildirib ki, yaxın vaxtlarda istintaq təcridxanasında saxlanılan şəxslərin telefon əlaqəsi yaratmaları üçün danışıq kabinələri yaradılacaq: “Bundan başqa, orada iki əlavə gəzinti meydançası yaradılacaq. Təcridxananın tibb otağı müasir tibbi avadanlıqları təchiz olunub. Başın damarlarının fəaliyyətini yoxlamaq üçün aparat, rentgen, USM və stomatoloji aparatlar alınıb. Bütün bunlar saxlanılan şəxslərin şəraitinin daha da yaxşılaşdırılmasına xidmət edir”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
