Bakı - APA-Economics. Müştərilərin rahatlığını təmin etmək məqsədi ilə «Bank of Baku» ASC Azərbaycan bank təcrübəsində ilk dəfə SMS kredit məhsulunu təqdim edir. Bankdan «APA-Economics»ə verilən məlumata görə, müştəri artıq banka gəlmədən kredit sifarişini birbaşa mobil telefondan verə biləcək.
Sifariş edilmiş kredit məbləği müştərinin «Dostlar Klubu» kartına yüklənir. Kredit sifariş etmək üçün «Dostlar Klubu» kartının son 8 rəqəmini, boşluq və kredit məbləğini 8145 nömrəsinə SMS ilə göndərmək lazımdır (misal: «03129876 kredit 1500»).
Mesaj göndəriləndən sonra sifariş avtomatik qərar üsulu ilə qiymətləndirilir və müştərinin ala biləcəyi kredit məbləği müəyyən edilir. Müştəri kartdakı məbləği bir neçə dəqiqədən sonra «Bank of Baku»nun istənilən bankomatından nağdlaşdıra bilər.
Kredit sifarişi yalnız müştərinin bankda qeydiyyatda olan mobil telefon nömrəsindən edilə bilər.
İlk mərhələdə SMS kredit xidmətindən bankın «Dostlar Klubu»nun «Qızıl» və «Brilliant» kart sahibləri, daha sonra isə klubun bütün 70 minə yaxın üzvü istifadə edə biləcək.
«Bank of Baku» SMS kredit məhsulunun Azərbaycan ərazisində patentini Standartlaşdırma, Metrologiya və Patent üzrə Dövlət Komitəsindən alıb.
Bu xidmətin şərtləri ilə daha yaxından tanış olmaq üçün «Bank of Baku»nun Məlumat Mərkəzinin 145 nömrəsinə zəng etmək, həmçinin bankın www.bankofbaku.com və www.facebook.com/bankofbaku səhifələrində istənilən sual vermək olar.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
