Xarici siyasət

Ana səhifə

Xarici siyasət

Alman deputat: “Hər hansı KİV-in mövqeyi nə Almaniya dövlətinin, nə də alman xalqının mövqeyi deyil”

18 may 2012 14:53 (UTC +04:00)

APA-nın məlumatına görə, MM-in Hüquq siyasəti və dövlət quruculuğu Komitəsinin sədr müavini, işçi qrupun üzvü Rövşən Rzayev qonağa Azərbaycanla bağlı məlumat verib, Dağlıq Qarabağ problemindən danışıb, Ermənistanın təcavüzü nəticəsində qaçqın-köçkün düşmüş şəxslərin insan haqlarının pozulduğunu onun diqqətinə çatdırıb.

Frank Haynrix Azərbaycana ilk dəfə gəldiyini bildirib. O, burada gördüyü inkişafı yüksək qiymətləndirib.

Ölkəsindəki siyasi hadisələrdən, media azadlığından bəhs edən Frank Haynrix deyib ki, mətbuat demokratiyanın bel sütunudur, lakin hər hansı KİV-in mövqeyi yalnız o orqanın mövqeyidir, nə Almaniya dövlətinin, nə də alman xalqının mövqeyi deyil.

Görüşdə deputatlar Xanlar Fətiyev və Fazil Mustafa fikirlərini bölüşüblər.