Bakı. Cavid Zeynallı - APA. Millətlərarası, multikulturalizm və dini məsələlər üzrə Dövlət müşaviri, Bakı Beynəlxalq Multikulturalizm Mərkəzi Himayəçilik Şurasının sədri Kamal Abdulla Bakı Beynəlxalq Multikulturalizm Mərkəzində alimlərlə görüş keçirib.
Mərkəzdən APA-ya verilən məlumata görə, görüşdə ermənilərin Azərbaycan torpaqlarına köçürülməsi tarixinin araşdırılması müzakirə edilib.
Müzakirə zamanı alimlərin apardığı araşdırmaların, aşkarladıqları faktların tədbirlərdə və nəşrlərdə əksini tapması zərurəti vurğulanıb. Tədbirdə ermənilərin Azərbaycan ərazilərinə köçürülməsinin tarixi mərhələləri barədə də müzakirələr olub. Tariximizdə böyük iz qoyan Türkmənçay müqaviləsindən sonra Çar Rusiyasının bölgədə öz mövqelərini möhkəmləndirmək naminə erməniləri Azərbaycanın tarixi torpaqlarına köçürməsi siyasəti ətrafında fikir mübadiləsi aparılıb.
Bildirilib ki, Ağdərə rayonunda ermənilərin Marağa kəndinə köçürülməsi ilə bağlı vaxtilə Dağlıq Qarabağ ərazisində mövcud olmuş “Marağa-150” abidəsi bunu sübut edən əsaslı dəlillərdən biridir. Görüşdə bu abidənin işıq tutduğu tarixi gerçəkliklər, eləcə də ermənilərin ərazilərimizə köçürülməsinin digər faktları ətrafında dəyirmi masanın keçirilməsi qərara alınıb.
Müzakirələrin sonunda mövzu haqqında təkliflərin sistemləşdirilməsi və müvafiq tədbirlərin həyata keçirilməsi məqsədilə tarixçi alimlərdən ibarət təşkilat komitəsi yaradılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
