Bakı-APA. “ELS” Müstəqil Araşdırmalar Mərkəzi 2013-cü il prezident seçkilərində keçirəcək “Ekzit-poll” (“Exit-poll”) tədqiqatı ilə bağlı Bakı treninqlərinə start verib. “ELS”in mətbuat xidmətindən APA-ya verilən məlumata görə, supervayzer və intervüerlər üçün təşkil olunan treninqlər 4 gün davam edəcək.
Treninqlərin sentyabrın 24-27-si Bakı, Abşeron, Sumqayıt, 27 sentyabr - 1 oktyabr tarixində isə Naxçıvan istisna olunmaqla Azərbaycanın bütün dairələrində keçirilməsi nəzərdə tutulub. “ELS”-ın həyata keçirdiyi “Ekzit-poll” tədqiqatının aparılması üçün tələb olunan sənədlər paketi Mərkəzi Seçki Komissiyasına təqdim edilib.