Bakı. Fərid Mirzəyev - APA. “Hazırda Azərbaycanda heyvanlar arasında iti yolucuxu xəstəliklər, o cümlədən də “donuz qripi” (A/H1 N1-red.) xəstəliyi qeydə alınmayıb”.
Bu sözləri APA-ya açıqlamasında Kənd Təsərrüfatı Nazirliyi yanında Dövlət Baytarlıq Nəzarəti Xidmətinin mətbuat katibi Yolçu Xanvəli deyib.
Y.Xanvəli ölkədə təxminən 7 min başa yaxın donuzun qapalı şəraitdə saxlanıldığını bildirib: “2008-ci ildə ölkəmizdə “Afrika taunu” aşkarlanandan sonra donuzlar qapalı şəraitdə saxlanılır. Azərbaycanda digər ölkələrə - Rusiyaya, Ukraynaya nisbətən donuzların sayı o qədər də çox deyil. Hər təsərrüfata 20-25 baş donuz düşür. Dövlət Baytarlıq Nəzarəti Xidməti tərəfindən ölkədəki heyvan və heyvan mənşəli məhsullara ciddi nəzarət həyata keçirilir”.
Qeyd edək ki, son 6 gündə Türkiyədə 30 nəfər “donuz qripi”nə yoluxaraq həyatını itirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
