Bakı. Aqşin Rafiqoğlu – APA-Economics. Sabah sentyabrın 1-dən etibarən Bakı metrosunda köhnə ödəniş kartlarına gediş haqqı yükləmək mümkün olmayacaq.
Bunu “APA-Economics”ə “Bakı Metropoliteni” QSC-nin Mətbuat xidməti və ictimaiyyətlə əlaqələr şöbəsinin rəisi Nəsimi Paşayev deyib.
Onun sözlərinə görə, sabahdan etibarən Bakı Metropolitenində “MetroKart”a gediş haqlarının yüklənməsi mümkün olmayacaq: “Amma kartda gediş haqqı varsa, həmin məbləğdən sentyabrın 30-dək istifadə etmək olar. Amma “MetroKart”ın istifadəsi yalnız sentyabr ayının 30-dək qüvvədədir”.
N. Paşayev deyib ki, oktyabrın 1-dən etibarən isə “MetroKart”ın istifadəsi dayandırılacaq: “Bu tarixdən sərnişinlər yalnız yeni nağdsız ödəniş kartlarından istifadə etməklə metroda hərəkət edə bilərlər”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
