İsveçrə hökuməti Avropa İttifaqının Rusiyaya qarşı 20-ci sanksiya paketində nəzərdə tutulan əlavə məhdudiyyətlərin bir hissəsini qəbul edib.
APA xəbər verir ki, bu barədə İsveçrə Federal Şurası məlumat yayıb.
Yeni məhdudiyyətlər avqustun 20-dən qüvvəyə minəcək. Enerji sektorunda Rusiyada yerləşən mayeləşdirilmiş təbii qaz terminallarına, qazdaşıyan gəmilərə və buzqıranlara xidmət göstərilməsi, həmçinin tankerlərin Rusiyaya satışı qadağan ediləcək.
Üçüncü ölkələrə satılan tankerlərin müqavilələrində onların Rusiyaya yenidən satılmasını qadağan edən müddəanın olması da tələb ediləcək. Məhdudiyyətlərin bir hissəsi, o cümlədən LNG terminallarına xidmət qadağası, 2027-ci il yanvarın 1-dən qüvvəyə minəcək.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
