Bakı. Viktoriya Dementyeva-APA. “G-8” ölkələrinin xarici işlər nazirləri İranın BMT Təhlükəsizlik Şurası və AEBA-nın qətnamələrini pozaraq nüvə silahı və ballistik raket proqramlarını davam etdirməsindən narahatlıq ifadə ediblər. APA-nın məlumatına görə, bu narahatlıq XİN başçılarının Londonda başa çatan görüşünün yekun bəyanatında öz əksini tapıb.
Nazirlər İranı diplomatik prosesdə aktiv və konstruktiv əməkdaşlığa çağırıblar: “İran beynəlxalq ictimaiyyətin narahatlığına nə qədər tez diqqət yetirsə, təcriddən bir o qədər tez qurtarmaq və vəziyyətini yaxşılaşdırmaq imkanı var”.
“G-8” XİN başçıları beynəlxalq ictimaiyyəti Suriya xalqına köməyi artırmağa, KXDR rəhbərliyini isə təxribatlardan çəkinməyə çağırıblar.