Xarkov vilayətində beş Ukrayna hərbçisinin öldürülməsi ilə bağlı hadisənin yeni təfərrüatları məlum olub.
Ukraynanın “2day.kh.ua” nəşrinin məlumatına görə, 5 ukraynalı hərbiçinin öldürülməsində şübhəli bilinən rusiyalı hərbi əsirin hadisə yerindən qaçdığı və hazırda axtarıldığı bildirilir.
Onun Dnepropetrovsk vilayətinin Samar şəhəri istiqamətində hərəkət edə biləcəyi ehtimal olunur.
Ukrayna hüquq-mühafizə orqanları şübhəlinin şəxsiyyətinin və olduğu yerin müəyyənləşdirilməsi istiqamətində tədbirləri davam etdirir.
***
13:23
Ukraynanın Xarkov vilayətində naməlum şəxs avtomat silahdan atəş açaraq 5 hərbçini öldürüb.
APA xəbər verir ki, bu barədə “Glavkom” hüquq-mühafizə orqanlarındakı mənbələrinə istinadən məlumat yayıb.
Məlumata görə, hadisə Xarkov yaxınlığındakı yaşayış məntəqəsində baş verib. Mülki geyimli silahlı şəxs Ukrayna ordusunun 72-ci briqadasının hərbçilərinin olduğu evə yaxınlaşaraq atəş açıb, nəticədə beş hərbçi ölüb.
Hüquq-mühafizə orqanları hadisənin təfərrüatlarını araşdırır, şübhəlinin şəxsiyyəti və olduğu yer müəyyənləşdirilir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
