Şəki. Vüqar Heydərov-APA. Şəkidə 53 yaşlı qadını ilan sancıb.
Şəki Rayon Mərkəzi Xəstəxanasından (RMX) APA-nın Şəki-Zaqatala bürosuna verilən məlumata görə, iyunun 19-u saat 11 radələrində rayonun Şin kənd sakini, 1963-cü il təvəllüdlü Bənövşə İdris qızı Məmmədova ilan sancması xəsarəti ilə xəstəxanaya daxil olub.
Həkim müayinəsi zamanı məlum olub ki, 53 yaşlı B. Məmmədova yaşadığı evin həyətyanı sahəsində toyuq yuvasından yumurta götürmək istəyən zaman ilan qəfildən onun sol qolunun said nahiyəsindən sancıb.
Xəstəxananın reanimasiya şöbəsinə yerləşdirilən B. Məmmədovaya lazımi tibbi yardım göstərilib, ilan zəhərinə qarşı zərdab vurulub. B. Məmmədovanın vəziyyətinin orta-ağır olduğu bildirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
