Bakı-APA. ABŞ siyahıya 2 təşkilat və 6 fiziki şəxsi əlavə edərək Şimali Koreyaya qarşı sanksiyaları genişləndirib. APA-nın “RİA Novosti”yə istinadən verdiyi xəbərə görə, bu barədə ABŞ Maliyyə Nazirliyinin məlumatında bildirilir.
Məlumata görə, sanksiya siyahısına həmçinin 2014-cü ildə ballistik raketlərdən buraxılış həyata keçirdiyinə görə KXDR ordusunun Strateji raket qüvvələri daxil edilib. Sanksiyalar siyahısında 3 gəmiqayırma zavodu da var.
Sanksiya siyahısına əlavə edilmiş fiziki şəxslər arasında Şimali Koreyanın Xarici Ticarət Bankının Xabarovskdakı nümayəndəsi Kim Ken Nam və “Tanchon Commercial Bank”ın 5 əməkdaşıdır.
ABŞ iddia edir ki, qeyd olunan şirkətlər və fiziki şəxslər Şimali Koreyaya beynəlxalq sanksiyalardan yan keçmək və dünya maliyyə sisteminə girməyə yardım edirmişlər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
