Bakı. Cavid Zeynallı – APA. Azərbaycan Dövlət Gənc Tamaşaçılar Teatrının kollektivi Yunanıstanda keçiriləcək gənclər festivalında iştirak edəcək. Teatrın mətbuat xidmətindən APA-ya verilən məlumata görə, “Dionda Olimpiya” festivalı dram, musiqi və atletika üzrə təşkil olunur.
Tədbirdə Azərbaycan Nizami Gəncəvinin “Yeddi gözəl” poeması əsasında əməkdar artist Nicat Kazımovun hazırladığı “Xeyir və Şər” tamaşası ilə təmsil ediləcək.
Yunanıstana səfər edəcək yaradıcı heyətə teatrın quruluşçu rejissoru, əməkdar artist Nicat Kazımov, aktyorlar Zümrüd Quliyeva, Səbinə Məmmədova, Bəhram Həsənov və işıq üzrə rəssam Vadim Kuskov daxildir. Səfər sentyabrın 19-dan 23-dək baş tutacaq.
Festivalda ölkəmizin iştirakı Gənclər və İdman Nazirliyinin təşkilatçılığı ilə reallaşacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
