Şamaxı. Elvin Yaqubov - APA. Bakı-Şamaxı-Yevlax avtomobil yolunda bir nəfərin ölümü, iki nəfərin ağır xəsarəti ilə nəticələnən avtomobil qəzası baş verib.
APA-nın yerli bürosunun xəbərin görə, hadisə ötən gecə Bakı-Şamaxı-Yevlax yolunun 110-cu kilometrliyində, Şamaxı şəhəri ərazisində qeydə alınıb. “VAZ 2107” markalı minik avtomobili sürətlə hərəkətdə olarkən sürücü idarəetməni itirib və yolun kənarında dayanmış yük avtomobilinə çırpılıb. Hadisə zamanı Sumqayıt sakini, 1982-ci il təvəllüdlü Əsgərov Ramin Qasım oğlu aldığı ağır xəsarətlər səbəbindən hadisə yerində dünyasını dəyişib, Şamaxı sakinləri - 1986-cı il təvəllüdlü Əmralıyev Hidayət Barat oğlu və 1992-ci il təvəllüdlü Əmralıyev Tural Əvəz oğlu ağır bədən xəsarətləri ilə Şamaxı Rayon Mərkəzi Xəstəxanasına yerləşdirilib.
Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
